نظم وقتك

 اتفرج علي الفيديو ده هنا وشوف الفرق بين واحد نظم وقته والتاني لأ.

عشان  تعرف تعمل كل الي فات ده لازم تنظم وقتك كويس جدا, أنا عارفة ان المعظم دلوقتي قام جري يجيب ورقه وقلم عشان يعمل جدول الثانوية العقيم إلي أشك اصلا ان حد بيعرف يمشي عليه!!!!!!!!!!!!!!

عشان تعرف تنظم وقتك صح إمشي علي الخطوات ديه:-

1-دون:-

هات كشكول واكتب فيه لمده اسبوع انت بتعمل ايه من أول لما بتصحي لحد ما بتنام وبتاخد وقت اد ايه في كل حاجه, يعني بتقعد علي المواقع الاجتماعيه كام ساعه, بتاكل في كام ساعه, بتنام في كام عشروميه ساعه : D, بتذاكر كام ساعه الي اخره.

2-حلل:-

بعد الاسبوع هات الكشكول وهات علبه الوان وعلم, انا ايه الوقت الي ضيعته؟ طب ايه الحاجات الي عملتها وخدت وقت اكتر من اللازم؟؟ وإبدأ حط تحليلاتك.

 3-رتب:-

من الكشكول ومراجعته وتحليله, رتب اولوياتك علي اساس الجدول ده.

مهم عاجل	مهم غير عاجل
غير مهم عاجل	غير مهم غير عاجل

4-ابدأ:-

ابدأ اعمل خطتك لتنظيم وقتك علي اساس الاستنتاجات ديه وايه المطلوب منك.

لو عملت الخطوات ديه مظبوطه هتعرف تستغل وقتك صح. 

مستنيه تعليقاتكم واقتراحاتكم ^_^