إزاي؟

ازاي ؟ إزاي؟ إزااااااااااااااااااااااااااااااااااااااااااي؟

الكلمه ديه من اكتر الكلمات المتداوله علي لسان اي خريج او طالب, في وسط التخبط والتوهان الي حاصل دايما بيسأل ازاي اوصل لهدفي؟, طب انا مش عارف أنا عايز ايه ,ازاي اعرف بقي؟ !!!!!!!!!!

 طيب ولو عرفت هدفي, ازاي اوصله بقي في وسط كل الصعوبات الي حوالينا من واسطه ومحسوبي؟؟؟؟؟؟؟

 وحتي لو عارف بيخاف يجرب ليفشل!!!!!!!!!!!

مش هقولك إن الحياه وردي وجميله وسهله, كلنا عارفين ان مصر فيها كوسه تكفي كوكب الارض بالكامل ويفيض منها كمان, لكن زي ما في واسطه في كمان اماكن متشاله للناس المجتهده الي اشتغلت علي نفسها وواكبت العصر الي هي فيها من حيث تعلم اللغه والمهارات والخبرة الي اخره.

 من الاخر الي هيتعب هيلاقي, يعني متفضلش قاعد في بيتكم ومستني الفانوس السحري يحققللك هدفك ومعلق فشلك علي شماعه الواسطه!!!!!!!!!!!!!

وعشان تبدأها صح ومتضيعش كل الي هتعمله  هتفق معاك علي مبدأ وهو :-

 1-ابعد عن اتنين (المحبط والمتشائم) لأن دول وظيفتهم في الحياة انهم يكسروا طموحك وامالك باحباطهم ويأسهم بجملهم المشهورة :كله بالواسطه, بتضيع وقتك علي الفاضي, شوفلك حاجه تجيبلك فلوس مهو كله محصل بعضه, البلد ديه حالها عمره ما هيتصلح إلي اخره من جمل بتبعث اليأس في نفسك , دول بقي استسلموا للظروف ويأسوا ونسيوا أيه مهمه جد "ولا تيأسوا من روح الله انه لا ييأس من روح الله الا القوم الكافرون"

2-قرب من اتنين (الايجابي والمتفائل) لان زي ما المحبط والمتشائم هيعدوك بيأسهم فكمان الايجابي والمتقائل هيعدوك بنشاطهم وروحهم وطموحهم.
3- تابع المدونه لسه فيه كلام كتيييييييييييييير :D.

إن شاء الله في المدونه هنبدأ نناقش الخطوات الي مفروض اي حد يمشي عليها عشان يوصل لهدفه(الوظيفه والمكانه الي بتحلم بيها).

مستنية تعليقاتكم واقتراحاتكم ^_^